Оманның Маскат қаласында 21–24 қараша аралығында дәстүрге айналған, үшінші жыл қатарынан өтетін Audi quattro Cup 2025 әлемдік финалы аяқталды. Бұл іс-шара 36 елден келген 39 команданы жинап, маусымдағы ең жарқын әрі мазмұнды әуесқой спорттық оқиғалардың біріне айналды.
Осыған дейін, 25 қазан күні Алматы қаласында өткен ұлттық кезең Қазақстанды әлемдік финалда таныстыратын жеңімпаз команданы анықтады. Бірінші орынды иеленген Сабит Толегенов пен Қайрат Молдабаев маңызды іссапарға байланысты әлемдік финалға қатыса алмады. Осы себепті Қазақстан намысын халықаралық аренада екінші орынды алған Альжан Жылқайдаров пен Серік Турлыбаев қорғады.
Қазақстандық команда сенімді ойын көрсетіп, А тобы бойынша 13-орынға ие болды. Олар АҚШ, Ұлыбритания және Ирландия командаларынан озып, турнир барысында тұрақты әрі жоғары деңгейдегі ойынымен ерекшеленді.
Audi quattro Cup әлемдік финалына қатысу – Қазақстандағы гольфтің дамуына және Audi брендінің халықаралық спорт қауымдастығындағы орнын нығайтуға бағытталған маңызды қадам.
Турнирлік кесте
